ބޭރުފައިސާގެ ޤާނޫނު ގެނެވުނު ދެވަނަ އިސްލާހުގައި ރިސޯޓުތަކަށް ލިބޭ ބޭރުފައިސާގެ ޖުމްލަ އާމްދަނީގެ 40 އިންސައްތަ ރާއްޖޭގައި ޤާއިމްކުރެވިފައިވާ ބޭންކް އެކައުންޓަކަށް ޖަމާކޮށް މާރުކުރުން ލާޒިމް ކުރެއެވެ. މިކަމާއި ގުޅިގެން ބައެއް ރިސޯޓު ވިޔަފާރިތަކުން މިކަން ކުރާނަމަ ރިސޯޓުތަކުގެ ޚަރަދުތައް ބެލެހެއްޓުމާއި އާމްދަނީއަށް ދަތިވާނެކަން ފާހަގަކުރާކަމަށް ރައީސުލްޖުމްހޫރިއްޔާ ވިދާޅުވިއެވެ. ރައީސުލްޖުމްހޫރިއްޔާ ވިދާޅުވީ މިބަދަލަކީ ތަފާސްހިސާބުތަކަށް ބައްލަވައި، ކަމާއި ގުޅޭ ގިނަ ދިރާސާތަކެއް ކުރެއްވުމަށްފަހު ގެންނެވި ބަދަލެއްކަމަށެވެ. އަދި 40 އިންސައްތަ މާރުނުކުރެވޭނެ އެއްވެސް ރިސޯޓެއް ރާއްޖޭގައި ނުހިންގާކަމުގެ ފުރިހަމަ ޔަޤީންކަން އޮތް ކަމަށް އެމަނިކުފާނު ވިދާޅުވިއެވެ.