ހުޅުދުއްފާރުގެ ނަރުދަމާގެ މަޝްރޫއުގެ މަސައްކަތް ފެށުމަށް ތައްޔާރުވަނީ- ފޮޓޯ: ޕީއެސްއެމް
މާޅޮސްމަޑުލު އުތުރުބުރީ ހުޅުދުއްފާރުގައި ޤާއިމުކުރާ ނަރުދަމާނިޒާމުގެ ވިއުގަޔާއިއެކު، އެރަށުގެ ގެތަކަށް ސާފު ބޯފެން ފޯރުކޮށްދިނުމުގެ މަޝްރޫއެއް ހިންގުމަށް ހަމަޖެހިފައިވާކަމަށް ރ.އަތޮޅު ކައުންސިލުން ހާމަކޮށްފިއެވެ.ރ. އަތޮޅު ހުދުއްފާރަކީ މީގެ ވިއްސަކަށްއަހަރު ކުރިން އުނގުލާއި އުނޑޫދޫ މީހުން އާބަދުވެފައިވާ ރަށެކެވެ. ސާދަ ސަތޭކައެއްހާ މީހުން ދިރިއުޅޭ މިރަށަކީ ރ. އަތޮޅުގެ މީހުން ދިރިއުޅޭ ރަށްރަށުގެ ނިސްބަތުން ތިންވަނައަށް އެންމެ ބިންބޮޑު ރަށެވެ.މިރަށުގައި ނަރުދަމާ ނިޒާމެއް ޤާއިމުކުރުމަށް މަސައްކަތްކުރާތާ އަހަރުތަކެއްވެފައިވާއިރު، މިއަހަރުވަނީ އެރަށު ނަރުދަމާ ނިޒާމު ޤާއިމުކުރުމަށް ބޭނުންވާ ބައެއް ސާރވޭތައްވެސް ކޮށްފައެވެ. އަދި އެރަށުގެ ނަރުދަމާ ވިއުގަ ޤާއިމުކުރުމަށް ބަޔަކާ ހަވާލުކޮށްފައިވާކަމަށް ހުޅުދުއްފާރު ކައުންސިލުން މައުލޫމާތުދެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ