ޕްލާސްޓިކް ކުންޏާބެހޭ މުޢާހަދާގައި ސިޑްސް ހިމެނުމަށް ގޮވާލައިފި

ޕްލާސްޓިކް ކުންޏާބެހޭ މުއާހަދާ އެކުލަވާލާއިރު ތަރައްޤީވަމުން އަންނަ ކުދި ޖަޒީރާ ޤައުމުތަކުން ތަހައްމަލު ކުރަމުންދާ ކަންކަން ހިމެނުމަށް ދިވެހިރާއްޖެއިން ގޮވާލައިފިއެވެ.

ތައިލޭންޑްގެ ވެރިރަށް ބޭންގްކޮގްގައި ބޭއްވި ޕްލާސްޓިކް ކުންޏާއި ގުޅޭ ސަރުކާރުތަކުގެ މަޝްވަރާ ކޮމެޓީ (އައިއެންސީ)ގެ ބައްދަލުވުމުގައި ދިވެހިރާއްޖޭއިން ވަނީ ބައިވެރިވެފައެވެ.

މި ބައްދަލުވުމުގައި ދިވެހިރާއްޖެ ތަމްސީލްކޮށްފައިވަނީ މޫސުމީ ބަދަލުތަކާއި ތިމާވެއްޓާއި ހަކަތައާއި ބެހޭ ވުޒާރާގެ ލީގަލް ކައުންސެލް، އަލްއުސްތާޛާ ފަޒީލާ އަޙުމަދު ޝަހީމް އާއި އެންވަޔަރަންމަންޓް އެނަލިސްޓް، ފާތިމަތު ޝަމްރާއެވެ. މިއީ ކޮމެޓީގެ ޤައުމުތަކުގެ ވަފުދުތަކުގެ އިސްވެރިންގެ ނުރަސްމީ ދެވަނަ ބައްދަލުވުމެވެ.

Legal Counsel, Uza. Fazeela A. Shaheem, and Environment Analyst, Ms. Fathimath Shamra, represented the Maldives at the 2nd Informal In-Person Meeting of Heads of Delegation of the Intergovernmental Negotiating Committee (INC) on Plastic Pollution, being held in Bangkok.

In this meeting, the Maldives highlighted the disproportionate and transboundary impacts of plastic pollution on Small Island Developing States (SIDS) and called for the special circumstances and vulnerabilities of SIDS to be not only acknowledged, but meaningfully reflected and operationalized in the final treaty text.
The meeting focused on conceptual discussions on various provisions of the treaty, with countries working towards convergence to finalize the treaty in the upcoming fourth part of the fifth session of the INC in March 2027.

— Min. of Climate Change, Environment and Energy, MV (@MoEnvmv) October 5, 2026

މި ކޮމެޓީއަކީ ބައިނަލްއަޤްވާމީ ޕްލާސިޓިކް ކުންޏާބެހޭ މުއާހަދާ އެކުލަވާލުމުގެ މަސައްކަތް ކުރުމަށް އދ. އިން ފާސްކޮށްފައިވާ ޤަރާރަކުން އުފައްދާފައިވާ ކޮމެޓީއެކެވެ.

ކޮމެޓީ ބައްދަލުވުމުގައި ދިވެހިރާއްޖެއިން ވަނީ، ތަރައްޤީވަމުން އަންނަ ކުދި ޖަޒީރާ ޤައުމުތަކަށް ޕްލާސްޓިކް ކުނީގެ ސަބަބުން ކުރިމަތިވާ ފަރަޤު ބޮޑު އަދި ސަރަޙައްދީ އިމުން ބޭރުން އަންނަ ނޭދެވޭ އަސަރުތަކަށް އަލިއަޅުއްވާލައްވާފައެވެ. އަދި ކުދި ޖަޒީރާ ޤައުމުތަކުގެ ޚާއްޞަ ޙާލަތްތަކާއި ނާޒުކުކަން ހަމައެކަނި ބަލައިގަތުމުގެ ބަދަލުގައި، މުޢާހަދާގެ ފަހު ލިޔުމުގައި އެކަންކަން މާނަހުރި ގޮތެއްގައި ހިމަނައި، އެކަންކަމަށް ޢަމަލީ ސިފައެއް ގެނައުމަށް ރާއްޖެއިން ވަނީ ގޮވާލާފައެވެ.

މި ބައްދަލުވުމުގައި މައިގަނޑު ގޮތެއްގައި މަޝްވަރާކޮށްފައިވަނީ ޕްލާސްޓިކް ކުންޏާބެހޭ މުޢާހަދާގެ އެކި މާއްދާތަކާއި ގުޅޭގޮތުންނެވެ. މި ބައްދަލުވުމުގެ އަމާޒަކީ 2027 ވަނަ އަހަރުގެ މާރިޗު މަހު ބޭއްވުމަށް ހަމަޖެހިފައިވާ އައިއެންސީ ގެ 5 ވަނަ ސެޝަންގެ 4 ވަނަ ބައިގައި މި މުޢާހަދާ އެކުލަވާލައި ނިންމާލުމަށްޓަކައި، ޤައުމުތަކުގެ މެދުގައި އެއްބަސްވުމަކަށް އައުމަށް މަސައްކަތްކުރުމެވެ.