ޕޯސްޓް މެދުވެރިކޮށް ރާއްޖެ އެތެރެކުރަން އުޅުނު މަސްތުވާތަކެތި މޯލްޑިވްސް ކަސްޓަމްސް ސަރވިސްއިން އަތުލައިގަނެފިއެވެ. ކަސްޓަމްސްއިން ވިދާޅުވީ އަތުލައިގަނެފައި ވަނީ 14 ގްރާމްގެ މަސްތުވާތަކެތި ކަމަށެވެ.
މަސްތުވާތަކެތި އަތުލައިގަނެފައިވަނީ ޖެނުއަރީ 10 ގައި ރާއްޖެ އެތެރެކުރަން މަސައްކަތްކުރި ޕާރުސަލްތަކެއް ބަލައި ފާސްކުރިއިރުކަމަށް ކަސްޓަމްސްއިން މަޢުލޫމާތު ދެއްވައެވެ. ޕާރުސަލްތަކުން ފެނުނު ތަކެތި މަސްތުވާތަކެއްޗަށް ޝައްކުކުރެވި ތަޙުލީލު ކުރުމުން މަސްތުވާތަކެތީގެ ބާވަތެއްކަމަށްވާ އެމްފެޓަމައިންއަށް ވަނީ ޕޮޒިޓިވްވެފައެވެ.
ޕޯސްޓްގެ ޒަރިއާއިން ރާއްޖެއެތެރެކުރަން އުޅުނު މަސްތުވާތަކެތި ކަސްޓަމްސްއިން އަތުލައިގެންފި. pic.twitter.com/xa3g9C1h1A
— Maldives Customs (@CustomsMv) January 11, 2021
ކަސްޓަމްސްއިން ވިދާޅުވީ މިތަކެތީގެ މަގުމަތީގެ އަގު ސާޅީސް ދެ ހާސް ރުފިޔާއަށް އަރާނެކަމަށެވެ. މިމައްސަލަ އިތުރަށް ތަޙުޤީޤުކުރުމަށްޓަކައި މޯލްޑިވްސް ޕޮލިސް ސަރވިސްއާ ވަނީ ޙަވާލުކޮށްފައެވެ.