ޚަބަރު
މަހަށް ނުކުމެއުޅުނު ދުވާފަރު ޒުވާނަކު ނިޔާވެއްޖެ
-
ނިޔާވެފައިވަނީ ރ. ދުވާފަރު، ލިލީމާގެ އުމުރުން 30 އަހަރުގެ މުޙައްމަދު ޝައްފާން
މަރޮށި ބަނދަރުމަތި
ށ. އަތޮޅު ކަނޑުގެ ސަރަހައްދުގައި މަހަށް ނުކުމެއުޅުނު ރ. ދުވާފަރު މީހަކު ނިޔާވެއްޖެއެވެ.
ފުލުހުން ވިދާޅުވީ ށ. އަތޮޅު ކަނޑުގެ ސަރަހައްދުގައި މަހަށް ނުކުމެއުޅުނު ރ. ދުވާފަރު ދޯންޏަކުން ފީނަން ފޭބި މީހަކު ދޯންޏަށް އެރިފަހުން ހާލުދެރަވެގެން ށ. މަރޮށި ސިއްހީ މަރުކަޒަށް ގެންދިޔައީ އިއްޔެ މެންދުރުފަހު 15:20 އެހައިކަންހާއިރު ރިޕޯޓުކޮށްފައިވާކަމަށެވެ.
ސިއްޙީ މަރުކަޒަށް ގެންދިޔައިރު ވެސް މީހާ ނިޔާވެފައިވާ ކަމަށް ސިއްހީ މަރުކަޒުން ވަނީ ފުލުހުންނަށް މައުލޫމާތު ދެއްވާފައެވެ. ނިޔާވެފައިވަނީ ރ. ދުވާފަރު، ލިލީމާގެ އުމުރުން 30 އަހަރުގެ މުޙައްމަދު ޝައްފާންއެވެ.
މި މައްސަލަ ފުލުހުންދަނީ އިތުރަށް ތަހުގީގުކުރަމުންނެވެ.