ޚަބަރު
ރިސޯޓެއްގެ ޕޫލަކަށް ވެއްޓި 2 އަހަރުގެ ކުއްޖަކު ނިޔާވެއްޖެ
-
ފުލުހުން ދަނީ މައްސަލަ ތަހުގީގުކުރަމުން
-
ހޮސްޕިޓަލަށް ގެންދިޔަ އިރުވެސް ކުއްޖާ ވަނީ ނިޔާވެފައި
އޭޑީކޭ ހޮސްޕިޓަލް
ރިސޯޓެއްގެ ޕޫލަކަށް ވެއްޓި 2 އަހަރުގެ ކުއްޖަކު ނިޔާވެއްޖެއެވެ. ފުލުހުން ވިދާޅުވީ އޭޑީކޭ ހޮސްޕިޓަލަށް ކުއްޖާ ހޮސްޕިޓަލަށް ގެންދިޔައިރުވެސް ނިޔާވެފައިވާކަމަށެވެ.
މި މައްސަލަ ފުލުހުންނަށް ރިޕޯޓްކޮށްފައިވަނީ މާރިޗު 20 ވަނަ ދުވަހުގެ ރޭ ދަންވަރު 12:54 އެހައިކަންހާއިރުއެވެ.
މިހާތަނަށް ލިބިފައިވާ މަޢުލޫމާތަށް ބަލާއިރު، މި ހާދިސާ ހިނގަން މެދުވެރިވީ ކާފު އަތޮޅުގެ ރިސޯޓެއްގެ ޕޫލަށް ވެއްޓި އެ ކުއްޖާ ގެނބިގެންންކަމަށް ފުލުހުން ވިދާޅުވެއެވެ. އެއީ ދިވެހި ފިރެހެން ކުއްޖެކެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ