މުއިވެޔޮ ބަލިކޮށް ވިލިމާލެ ޔުނައިޓެޑު ސެމީއަށް

އެފްއޭއެމް ވެޓެރެންސް ކަޕް 2026 ގައި މުއިވެޔޮ ފްރެންޑްސް ކުލަބު ބަލިކޮށް ވިލިމާލެ ޔުނައިޓެޑުން މުބާރާތުގެ ސެމީ ފައިނަލަށް ދަތުރުކޮއްފިއެވެ. ގުރޫޕް އޭގައި ހިމެނޭ މި ދެޓީމު ވާދަކުރި މެޗު ވިލިމާލެއިން ކާމިޔާބު ކުރީ 3-1 ލަނޑުންނެވެ.

މާފަންނު އެއްނަންބަރު ޓާފްދަނޑުގައި ކުޅުނު މެޗުފަށައިގެން ގިނައިރު ބޯޅަ ގެންގުޅެ ގިނަ ހަމަލާ އުފެއްދީ ވިލިމާލެ ޓީމުންނެވެ. މެޗުގެ ކުރީ ކޮޅު ވިލިމާލެ ޓީމުން ލަނޑެއް ޖެހި ނަމަވެސް ރެފްރީ ނިންމީ އޭގެކުރިން ކުޅުންތެރިއާ އޮފްސައިޑް ކަމަށެވެ.

ވިލިމާލެއިން ލަނޑުޖަހާ ލީޑް ނެގީ މެޗުގެ ފުރަތަމަ ހާފުގެ 20 ވަނަ މިނިޓުގައިއެވެ. މިލަނޑު އޭރިއާ ބޭރުން ފޮނުވާލި ބޯޅައަކުން ކާމިޔާބުކޮއްދިނީ އާދިލް އަބްދުލް ރަހްމާނެވެ.

މި ލަނޑަށްފަހު މުއިވެޔޮ ޓީމުގެ އާދަމް ލަރީފަށް ވަނީ ލަނޑުޖަހަން ރަނގަޅު ފުރުސަތެއް ލިބިފައެވެ. ވިލިމާލެ ޓީމުން ލީޑު އިތުރަށް ފުޅާކުރީ ފުރަތަމަ ހާފުގެ އިތުރު ވަގުތުގެ ތެރޭގައި އާދަމް މައުރޫފެވެ.

މެޗުގެ ދެވަނަ ހާފުގައި މުއިވެޔޮ ޓީމުން ކުޅުން ރަނގަޅުކޮށް ހަމަލާތައް އުފެއްދުމަށް ކޮންމެވެސް ވަރަކަށް މަސައްކަތް ކުރިއެވެ. ވިލިމާލެއިން ޖެހި ތިންވަނަ ލަނޑަކީ މެޗުގެ ދެވަނަ ހާފު ފަށައިގެން ތިންވަނަ މިނިޓުގައި އިސްމާއިލް މުހައްމަދު ކާމިޔާބު ކުރި ލަނޑެކެވެ.

މުއިވެޔޮ ޓީމުން ޖެހި ހަމައެކަނި ލަނޑު އެޓީމުން ކާމިޔާބު ކުރީ މެޗުގެ 38 ވަނަ މިނިޓުގައި އޭރިއާތެރެއިން އަބްދުލްﷲ ސުޖާ ހުރަސްކޮއްލި ބޯޅައެއްގަ ގޯލާ ކައިރީގަ ހުރި ލަރީފް ގޯލަށް ވައްދާލި ބޯޅައިންނެވެ.

މި ނަތީޖާ އެކު ވިލިމާލެ ޔުނައިޓެޑް ސެމީގެ ކާގަ ކަށަވަރު ކުރީ ކުޅުނު ތިން މެޗުވެސް ކާމިޔާބުކޮށް 9 ޕޮއިންޓާއެކުވެ. މެޗުން ބަލިވި މުއިވެޔޮ ގުރޫޕުގެ ދެވަނައިގަ އޮތީ 6 ޕޮއިންޓާއެކުވެ. ތިންވަނައިގަވާ ނިއުރޭޑިއަންޓް ސްޕޯޓްސް ކުލަބާ އާއި ހަތަރެއްގަ އޮތް ދިވެހި ސިފައިންގެ ކުލަބަށް 3 ޕޮއިންޓް ލިބިފަވާއިރު ޕޮއިންޓެއް ނުލިބި ފުލުގައި އޮތީ ދަ ގްރާންޑޭއެވެ. މި ގުރޫޕުގައި ދެން އޮންނާނީ ނިއު އާއި ޑީއެސްއޭ ވާދަކުރާ މެޗެވެ.

މި ނަތީޖާ އެކު ވިލިމާލެ ޔުނައިޓެޑް ސެމީގެ ކާގަ ކަށަވަރު ކުރީ ކުޅުނު ތިން މެޗުވެސް ކާމިޔާބުކޮށް 9 ޕޮއިންޓާއެކުވެ. މެޗުން ބަލިވި މުއިވެޔޮ ގުރޫޕުގެ ދެވަނައިގަ އޮތީ 6 ޕޮއިންޓާއެކުވެ. ތިންވަނައިގަވާ ނިއުރޭޑިއަންޓް ސްޕޯޓްސް ކުލަބާ އާއި ހަތަރެއްގަ އޮތް ދިވެހި ސިފައިންގެ ކުލަބަށް 3 ޕޮއިންޓް ލިބިފަވާއިރު ޕޮއިންޓެއް ނުލިބި ފުލުގައި އޮތީ ދަ ގްރާންޑޭއެވެ. މި ގުރޫޕުގައި ދެން އޮންނާނީ ނިއު އާއި ޑީއެސްއޭ ވާދަކުރާ މެޗެވެ.