ޖެނުއަރީގެ ނިޔަލަށް 4000 ހައުސިން ޔުނިޓުގެ ތަޅުދަނޑު ހަވާލުކޮށް ނިންމަނީ
-
މިހާތަނަށް 399 ޔުނިޓުގެ ތަޅުދަނޑި ވަނީ ހަވާލުކޮށްފައި
ބޯހިޔާވަހިކަމުގެ މައްސަލަ ހައްލުކުރުމަށް ސަރުކާރުން ކުރިއަށްގެންދާ 4000 ހައުސިންގ ޔުނިޓުގެ ތަޅުގަނޑި ހަވާލުކުރުމުގެ މަސައްކަތް މިހާރުދަނީ ކުރަމުންނެވެ. ފަހިދިރިއުޅުން ކޯޕަރޭޝަނުން ވިދާޅުވީ މިހާތަނަށް 399 ފަރާތަކާއި ވަނީ ތަޅުގަނޑު ހަވާލުކޮށްފައިކަމަށެވެ.
ބޯހިޔާވަހިކަމުގެ މައްސަލައަށް ހައްލެއް ގެނައުމަށް ސަރުކާރުން ތަރައްޤީކޮށްފައިވާ 4000 ހައުސިންގ ޔުނިޓުގެ ތެރެއިން ނިމެމުންދާ ފްލެޓުތައް ހަވާލުކުރުމުގެ މަސައްކަތް މިހާރުދަނީ ކުރަމުންނެވެ. ސަރުކާރުގެ އަމާޒަކީ އަންނަ ރަމަޟާން މަހުގެ ކުރިން މިތަންތަން ފްލެޓު ލިބިފައިވާ ފަރާތްތަކަށް ހަވާލުކުރުމެވެ.
އެފްޑީސީން ވިދާޅުވީ މިހާތަނަށް 399 ފަރާތަށް ތަޅުދަނޑި ހަވާލުކޮށްފައިވާކަމަށެވެ. އަދި މިހާރު މަސައްކަތް ބައްޓަންކޮށްފައިވާގޮތުން ކޮންމެ ދުވަހަކުވެސް އަމާން އުދަރެސް އަދި އަމާންދޯދީގެ އެކި ޒޯންތަކުން 120 ފަރާތަކަށް ތާވަލެއްގެ ދަށުން ތަޅުދަނޑި ހަވާލުކުރުމުގެ މަސައްކަތް ކުރިއަށްދާކަމަށެވެ.
މިދުވަސްވަރަކީ ޗުއްޓީ ދުވަސްވަރުކަމުން ތަޅުދަނޑިއާއި ހަވާލުވާން އަންނަ ފަރާތްތަކަށް އިތުރު ފުރުސަތެއް ދިނުމަށް ނިންމާފައިވާކަމަށް އެފްޑީސީން ވިދާޅުވެއެވެ. އެގޮތުން އެކަން އެފްޑީސީއާއި ހިއްސާކޮށް އިތުރު ދުވަހެއް ތަޅުދަނޑި ހަވާލުވުމަށް ދިޔުމަށް ކަނޑައެޅޭނެކަމަށް އެފްޑީސީން ވިދާޅުވެއެވެ.
އެފްޑީސީން މިއަންނަ މަހުގެ ނިޔަލަށް ހުރިހާ ފްލެޓެއްގެ ތަޅުދަނޑި ހަވާލުކޮށް ނިންމުމަށް މަސައްކަތްކުރަމުންދާއިރު މިހާރުވެސް ބައެއް ފަރާތްތަކުން ފްލެޓުތަކަށް ބަދަލުވާން ފަށާފައިވާކަން ފާހަގަކުރެވެއެވެ.
ރަމަޟާން މަހާއި ދިމާކޮށް 4000 ޢާއިލާއަކުން އައު ފްލެޓުތަކަށް ދާއިރު މިފްލެޓުތައް ދޫކުރަނީ ފެނާއި ކަރަންޓުގެ ޚިދުމަތްވެސް ގުޅާފައެވެ. އަދި އެސަރަޙައްދަށް ބަދަލުވާ ޢާއިލާތަކަށް ފަސޭހަވާނެހެން އިތުރު ޚިދުމަތްތައް ޤާއިމުކުރުމުގެ މަސައްކަތްވެސްދަނީ ކުރަމުންނެވެ.
އަމާން އުދަރެސްގެ 6 ޓަވަރާއި އަމާން ދޯދީގެ 6 ޓަވަރުވަނި ތަރައްޤީކޮށްފައެވެ. މި 4000 ހައުސިންގ ޔުނިޓުގެ ތެރޭގައި 2 ކޮޓަރި އަދި 3 ކޮޓަރީގެ އެޕާޓްމަންޓްތައްވަނީ ތަރައްޤީކޮށްފައެވެ.