އިންތިޚާބުން ދައްކައިދިނީ ދިވެހީންގެ އަމިއްލަވަންތަކަން ދަމަހައްޓަން ބޭނުންވި މިންވަރު!

ނިމިދިޔަ ރައްޔިތުންގެ މަޖިލީހުގެ އިންތިޚާބުން ދައްކުވައިދިނީ ޤައުމުގެ މިނިވަންކަމާއި އަމިއްލަވަންތަކަން ދަމަހައްޓަން ރައްޔިތުން ބޭނުންވާ މިންވަރާއި، ސިޔާސީ ރުޅިވެރިކަމުގެ މަރުހަލާތައް ނިމުނީކަންކަމަށް ވަޒީރުން ވިދާޅުވެއްޖެއެވެ.

އިއްޔެ ކުރިއަށްދިޔަ ރައްޔިތުންގެ މަޖިލީހުގެ އިންތިޚާބުގައި ސަރުކާރު ނިސްބަތްވާ ޕާޓީ ޕީއެންސީން ހޮދި ބޮޑު ކާމިޔާބީއާއި ގުޅިގެން، އިންތިޚާބު ކާމިޔާބުކުރި ންޑިޑޭޓުންނަށާއި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް ދައުލަތުގެ ވަޒީރުން ވަނީ މަރުޙަބާ ދަންނަވާ އެމަނިކުފާނުގެ ސިޔާސަތުތަކަށް ވަރަށް ބޮޑަށް ތަޢުރީފްކުރައްވާފައެވެ.

20 ވަނަ ރައްޔިތުންގެ މަޖިލީހުގެ އިންތިޚާބުގައި ސަރުކާރު ނިސްބަތްވާ ޕީއެންސީގެ ކެންޑިޑޭޓުން ގިނަ އަދަދެއްގެ ދާއިރާތައް ކާމިޔާބުކޮށް ސަރުކާރަށް ވަނީ ސުޕަރ މެޖޯރިޓީ ހޯދާފައެވެ.

ސަރުކާރުގެ މި ކާމީޔާބީ ފާހަގަކުރައްވާ އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވިދާޅުވީ މި ކާމިޔާބީއަކީ ރައީސް ޑރ. މުޙައްމަދު މުޢިއްޒަށް ރައްޔިތުންގެ މެދުގައި އޮތް ލޯބި ހާމަވާކަމެއް ކަމަށެވެ. އަދި ރައީސް ޑރ. މުޢިއްޒުގެ ސިޔާސަތުތަކަށާއި ޤާބިލް ލީޑަރޝިޕަށް ރައްޔިތުން އިތުބާރުކޮށްފައިވާކަން މި އިންތިޚާބުން ދައްކަދީފިކަމަށާއި މިއީ ތާރީޚީ ކާމިޔާބެއްކަން ވަޒީރު ފާހަގަކުރެއްވިއެވެ.

ރައީސް ޑރ @MMuizzu ގެސިޔާސަތުތަކާއި،ޤާބިލް ލީޑަރޝިޕަށް ލިބިގެންދިޔަ އިތުބާރަކީ ރައްޔިތުންގެ ހިތުގައި އެމަނިކުފާނަށްޓަކައިއޮތް ލޯބި ވަރަށްބޮޑަށް ހާމަވެގެންދިޔަކަމެއް. އަދި ތާރީޚީކާމިޔާބެއް. ވަރަށްހޫނުމަރުހަބާއެއް ރައީސް 🇲🇻👏🏼👏🏼👏🏼 pic.twitter.com/rrnuOr8B67

— Mohamed Saeed (@em_saeed) April 21, 2024

އިންތިޚާބުގެ ކާމިޔާބާ ގުޅިގެން ޚާރިޖީ ވަޒީރު މޫސާ ޒަމީރު ވިދާޅުވީ ދިވެހީންގެ ރާއްޖެއަށް ދިވެހި ރައްޔިތުން ހޫނު މަރުޙަބާއެއް ކިޔާފައިވާ ކަމަށެވެ. އަދި މި އިންތިޚާބުން ޤައުމުގެ މިނިވަންކަމާއި އަމިއްލަވަންތަކަން ދަމަހައްޓަން ރައްޔިތުން ބޭނުންވާކަން އިންތިޚާބުގެ ނަތީޖާއިން ދައްކަދީފިކަމަށް ވަޒީރު ވިދާޅުވިއެވެ.

އަދި ރައްޔިތުން ސަރުކާރަށް ދެއްވި ތާޢީދާއެކު ޤައުމަށް ކުރިއެރުމާއި ތަރައްޤީ ވަރަށް ބާރުމިނެއްގައި ގެނެވޭނެކަން ފާހަގަކުރައްވާ ވަޒީރު ވަނީ ޕީއެންސީން މަޖިލީހަށް އިންތިޚާބުވެވަޑައިގެންނެވި އެންމެހާ ފަރާތްތަކަށް މަރުޙަބާ ވިދާޅުވެފައެވެ.

ދިވެހީންގެ ރާއްޖެއަށް ދިވެހި ރައްޔިތުން ކިޔާފައި މިވަނީ ހޫނު މަރުޙަބާއެއް. ޤައުމުގެ މިނިވަންކަމާއި އަމިއްލަވަންތަކަން ދަމަހައްޓަން ބޭނުންވާކަމުގެ ވަރުގަދަ ނިންމުމެއް. މިއަދު ރައްޔިތުން ތިޔަ ދެއްވި ފުރިހަމަ ތާއީދާ އެކު، ޤައުމުގެ ކުރިއެރުމާއި ތަރައްޤީ ރައީސް ޑރ. @MMuizzu ގެ… pic.twitter.com/YB26uMgDie

— Moosa Zameer (@MoosaZameer) April 21, 2024

ސަރުކާރަށް މަޖިލިސް އިންތިޚާބުން ލިބުނު ކާމިޔާބީއާ ގުޅޭގޮތުން އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް ޢަލީ ސަޢީދު ވިދާޅުވީ ވެރިކަން ހިންގަން ޖެއްސުންކުރުމާއި ދުއްތުރާކުރުމާއި ސިޔާސީ ރުޅިވެރިކަމުގެ މަރުހަލާތައް ނިމި ރާއްޖޭގެ ދިމިޤުރާތީ ހަޔާތަށް އައު ޞަފްޙާއެއް ހުޅުވިއްޖެ ކަމަށެވެ.

މި އިންތިޚާބުން ފެނުނީ ރައީސް ޑރ. މުޢިއްޒަށް އޮތް ތާޢީދުކަން ފާހަގަކުރައްވާ ވަޒީރު ވަނީ ކެންޑިޑޭޓުންނަށާއި ރައީސުލްޖުމްހޫރިއްޔާއަށް މަރުޙަބާ ވިދާޅުވެފައެވެ.

ވެރިކަން ހިންގަން ޖެއްސުންކުރުމާއި ދުއްތުރާކުރުމާއި ސިޔާސީ ރުޅިވެރިކަމުގެ މަރުހަލާތައް ނިމި، ރާއްޖޭގެ ދިމިޤުރާޠީ ހަޔާތުގައި ހުޅުވިގެން މިދާނީ އާ ޞަފްޙާއެއް. ރައީސް ޑރ މުއިއްޒުގެ ޤައުމީ ވިސްނުމަށް އޮތް ތާއިދު ފެނިގެން މިދަނީ. މަރުޙަބާ ރައީސް ޑރ މުއިއްޒު.@MMuizzu
وفقكم الله

— Mohamed Shaheem Ali Saeed (@Mohamedshaheem1) April 21, 2024

މަޖިލިސް އިންތިޚާބުގެ ކާމިޔާބީއާ ގުޅޭގޮތުން މަސްވެރިކަމާއި ކަނޑުގެ ވަޞީލަތްތަކާ ބެހޭ ވަޒީރު އަޙްމަދު ޝިޔާމް ވިދާޅުވީ މުޅި ރާއްޖޭގެ ނަތީޖާ ޕީއެންސީއަށް ދައްކަނީ ވަރަށް އުޖާލާކޮށް ކަމަށެވެ. އަދި ވަޒީރު ވަނީ މި ކާމިޔާބީއާ ގުޅިގެން ރައީސަށް މަރުޙަބާ ދަންނަވާފައެވެ.

Natheejaaga emme bodu thafaatheh fennaane kamah belevenee alhuganduge akhun kamaugaiva PNC ge Chairperson @Banafsaa adhi PNC ge Naib Raees @IbrahimShujaau ge. Mulhi Raajjeyge natheeja dhakkanee varah ujaalaakoh In Sha Allah. Maruhaba Raees Dr @MMuizzu .#DhiveheengeRaajje pic.twitter.com/38dstIDpK7

— Ahmed Shiyam (@Shiyamaldives) April 21, 2024

މަޖިލިސް އިންތިޚާބުގައި ސަރުކާރުން ހޯދި އާދަޔާ ޚިލާފު ބޮޑު ކާމިޔާބިއާއި ގުޅިގެން ސަރުކާރު ކޯލިޝަނުގައި ހިމެނޭ މީހުންނާއި، ޢާންމު ގިނަ ރައްޔިތުން އަންނަނީ ރައީސުލްޖުމްހޫރިއްޔާއާއި ސަރުކާރަށް މަރުޙަބާ ކިޔަމުންނެވެ. އަދި ރައީސް ބޭނުންފުޅުވާ ދުވެލީގައި ތަރައްޤީ ޔަޤީންވާނެކަމަށްވެސް ބުނެފައިވެއެވެ.