800 އަށްވުރެ ގިނަ އެތުލީޓުންނާއެކު އިންޓަރ ސްކޫލް މިމަހު 10ގައި
-
މިފަހަރުގެ މުބާރާތުގައި 32 ސްކޫލުން ބައިވެރިވާނެ
-
މުބާރާތް ކުރިއަށްދާނީ މިމަހުގެ 10 އިން 15 އަށް
800 އަށްވުރެ ގިނަ އެތުލީޓުންނާއެކު އިންޓަރ ސްކޫލް އެތުލެޓިކްސް މުބާރާތް މި މަހު 10ގައި ފަށަން އެތުލެޓިކްސް އެސޯސިއޭޝަނުން އަންނަނީ ތައްޔާރުވަމުންނެވެ.
އިންޓަރ ސްކޫލް މުބާރާތްތައް މިހާރު ކުރިއަށް ދަނީ "ރާއްޖެ ޖޫނިއާ ޗެމްޕިއަންޝިޕް" ނަމުގައެވެ.
އެތުލެޓިކްސް އެސޯސިއޭޝަނުން ކުރިއަށް ގެންދާ އިންޓަރ ސްކޫލް މުބާރާތްތަކަކީ ގިނަ އަދަދެއްގެ އެތުލީޓުން އަބަދުވެސް ބައިވެރިވަމުން އަންނަ މުބާރާތެކެވެ. އެގޮތުން މި ފަހަރުގެ މުބާރާތުގައި 850 އަށްވުރެ ގިނަ އެތުލީޓުން ބައިވެރިވާކަމަށް އެތުލެޓިކްސް އެސޯސިއޭޝަނުގެ ޖެނެރަލް ސެކެޓްރީ އަހުމަދު މުންތަގިމް ވިދާޅުވިއެވެ.
"ޕީއެސްއެމް ނިއުސް"އާ ވާހަކަ ދައްކަވަމުން މުންތަގިމް ވިދާޅުވީ، މި އަހަރުގެ މުބާރާތް އޯ ލެވެލް ހަދާ ދަރިވަރުންގެ ޓެސްޓާ ދިމާވާތީ އެކަމުގެ ސަބަބުން ވަރަށް ގިނަ އެތުލީޓުންނަށް ބައިވެރިނުވެވުނު ކަމަށެވެ. އެހެން ނަމަވެސް މި އަހަރުގެ މުބާރާތުގައި ވެސް 32 ސްކޫލަކުން 850 އަށްވުރެ ގިނަ އެތުލީޓުން ބައިވެރިވާ ކަމަށް މުންތަގިމް ވިދާޅުވިއެވެ.
މުންތަގިމް ވިދާޅުވީ، މި އަހަރަކީ ރާއްޖޭގައި ދެ ބުރަށް އޯލެވެލް ކުރިއަށް ގެންދެވުނު އަހަރެއް ކަމުން މުބާރާތް ކުރިއަށް ގެންދަން ދަތިތަކަކާ ކުރިމަތިވި ކަމަށެވެ.
މުންތަގިމް ވިދާޅުވީ މުބާރާތައް އެސޯސިއޭޝަނުން މިހާރު އެންމެ ފަހުގެ ތައްޔާރީތައް ވަމުން އަންނައިރު، ކުރިއަށް އޮތް ދެ ދުވަހެއްގެ ތެރޭގައި މުބާރާތުގެ ޝެޑިއުލް ފައިނަލް ކުރެވޭނެ ކަމަށެވެ.
އިންޓަރ ސްކޫލް އެތުލެޓިކްސް މުބާރާތުން ގިނަ އެތުލީޓުންތަކެއް ފާހަގަވެއެވެ. އެގޮތުން މިހާރުގެ އެތުލެޓިކްސް ގައުމީ ޓީމުގެ ގިނަ އެތުލީޓުންނަކީ އިންޓަރ ސްކޫލް މުބާރާތުން ފާހަގަވި އެތުލީޓުންނެވެ.