ރާއްޖެއަށް 6 ކިލޯއަށްވުރެ ގިނަ މަސްތުވާތަކެތި އެތެރެކުރި 3 މީހަކު ހައްޔަރުކޮށްފި
-
ހައްޔަރުކޮށްފައިވަނީ ރާއްޖެއަށް ނިސްބަތްވާ މީހަކާއި އިންޑިއާއަށް ނިސްބަތްވާ 2 މީހަކު
ރާއްޖެއަށް 6 ކިލޯއަށްވުރެ ގިނަ މަސްތުވާތަކެތި އެތެރެކުރިކަމުގެ ތުހުމަތުގައި ވެލާނާ އިންޓަރނޭޝަނަލް އެއާޕޯޓުން 3 މީހަކު ހައްޔަރުކޮށްފިއެވެ.
ފުލުހުންގެ ޚިދުމަތުން ވިދާޅުވީ މި 3 މީހުން ހައްޔަރުކޮށްފައިވަނީ ރާއްޖެއަށް މަސްތުވާތަކެތި އެތެރެކޮށް ވިއްކާ އަދި ވިޔަފާރިކުރާ ކަމުގެ ތުހުމަތުގައި ދިވެއްސަކާއި އިންޑިޔާގެ 2 މީހަކު މިމަހުގެ 3 ވަނަ ދުވަހު ހައްޔަރުކޮށްފައިވާކަމަށެވެ.
މި މައްސަލައާ ގުޅިގެން ހައްޔަރުކޮށްފައި ވަނީ ގދ. ގައްދޫ ހިތިލާގެ، އުމުރުން 28 އަހަރުގެ ޢަލީ ޢިރުފާނު އާއި އިންޑިޔާގެ ރައްޔިތެއްކަމަށްވާ އުމުރުން 19 އަހަރުގެ ދަނޫޝްކާނދަން ގޯޕާލް އާއި 19 އުމުރުން 21 އަހަރުގެ ކަތިރިވިލް މަނިމަރަންއެވެ.
މި 3 މީހުންނަކީ މަސްތުވާތަކެތި ރާއްޖެއަށް އެތެރެކުރުމުގެ ތުުމަތުގައި މޯލްޑިވްސް ކަސްޓަމްސް ސަރވިސްގެ ފަރާތުން ހިފަހައްޓާ ދިވެހި ފުލުހުންނަށް ހަވާލުކުރި 3 މީހުންކަމަށް ފުލުހުންގެ ޚިދުމަތުން ވިދާޅުވިއެވެ.
މިމައްސަލައާ ގުޅިގެން މި 3 މީހުންގެ ބަންދާމެދު ގޮތެއް ނިމުމަށް ކޯޓަށް ހާޒިރުކުރުމުން ޢަލީ ޢިރުފާނު ޝަރީއަތް ނިމެންދެން އަދި އަނެއް ދެ މީހުން ފަސް ދުވަހަށް ބަންދުކުރުމަށް ވަނީ އަމުރުކޮށްފައެވެ.
ފުލުހުން ގެންދަނީ މިމައްސަލަ އިތުރަށް ތަހުގީގުކުރަމުންނެވެ.