މިދިޔަ ހަފުތާގައި މާލޭގައި 36 އެކްސިޑެންޓު

މިދިޔަ ހަފުތާގައި މާލެގައި އެކަނިވެސް 36 އެކްސިޑެންޓު ހިނގާފައިވާކަމަށް ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.

ދިވެހި ފުލުހުންގެ ޚިދުމަތުން ވަނީ، މިމަހުގެ 22 އިން ފެށިގެން 28 އާ ހަމައަށް މާލޭ ސަރަޙައްދުގައި ރިޕޯޓުކޮށްފައިވާ އެކްސިޑެންޓުތަކުގެ ތަފާސްހިސާބު އާންމުކޮށްފައެވެ. އެގޮތުން މިދިޔަ ހަފުތާގައި މާލޭގައި އެކަނިވެސް 36 އެކްސިޑެންޓު ރިޕޯޓްކޮށްފައިވާކަމަށް ފުލުހުން ވިދާޅުވިއެވެ.

މީގެ އިތުރުން މިދިޔަ ހަފުތާ ތެރޭ މާލެ، ބްރިޖް އަދި ހައިވޭގައި މުޅި ޖުމްލަ 41 އެކްސިޑެންޓު ހިންގާފައިވެއެވެ. ދުވާލެއްގެ މައްޗަށް އެންމެ ގިނަ އެކްސިޑެންޓު ހިނގިކަމަށް ފާހަގަކުރެވިފައިވަނީ މިމަހުގެ 23 ވަނަ ދުވަހެވެ. އެދުވަހު 9 އެކްސިޑެންޓެއް ފުލުހުންނަށް ރިޕޯޓުކުރިކަމަށް އެ އިދާރާއިން ވިދާޅުވިއެވެ.

Traffic Statistics | 22–28 February 2026
Male, Bridge and Highway

A total of 41 road accidents were reported during this period across Malé, the bridge, and highway. The highest number of incidents in a single day was recorded on 23 February, with 9 accidents. Malé accounted for… pic.twitter.com/1etDue9ama

— Maldives Police (@PoliceMv) March 2, 2026

ފުލުހުން ވިދާޅުވީ، އެންމެ ގިނައިން އެކްސިޑެންޓު ހިނގާފައިވަނީ އެއް ސައިކަލު އަނެއް ސައިކަލާ ޖެހިގެންކަމަށެވެ. އެގޮތުން، އެއް ސައިކަލު އަނެއް ސައިކަލާ ޖެހިގެން 15 އެކްސިޑެންޓެއް ހިނގާފައިވެއެވެ. ދެވަނައަށް އެންމެ ގިނައިން އެކްސިޑެންޓު ހިނގާފައިވަނީ ސައިކަލާއި ކާރު ޖެހިގެންނެވެ. މިފަދަ 8 އެކްސިޑެންޓެއް ރިކޯޑުކުރެވިފައިވާއިރު ކަމަށާއި، ސައިކަލާއި މަގުމަތީ ހިނގާބިނގާވެ އުޅޭ ފަރާތަކާ ޖެހިގެން 4 އެކްސިޑެންޓު، އަދި ސައިކަލާ ޕިކަޕާ ޖެހިގެން 3 އެކްސިޑެންޓް ރިކޯޑް ކުރެވިފައިވާކަމަށް ފުލުހުން ވިދާޅުވިއެވެ.

ނިމިދިޔަ ހަފުތާ ތެރޭ ހިނގާފައިވާ 41 އެކްސިޑެންޓުތަކުގެ ތެރޭގައި 38 ކުޑަ އެކްސިޑެންޓަކާއި، ހިނގި 3 ބޮޑު އެކްސިޑެންޓުގެ ތެރެއިން އެއް މަރު ހިމެނޭކަމަށް ދިވެހި ފުލުހުންގެ ޚިދުމަތުން ވިދާޅުވިއެވެ. މި އެކްސިޑެންޓްތަކުގައި 16 މީހަކަށް އެކިވަރުގެ އަނިޔާ ވެފައިވާކަމާއި، 51 އުޅަނދަކަށް ގެއްލުން ލިބިފައިވާކަމަށް ފުލުހުން ވިދާޅުވިއެވެ.

މާލޭ ސަރަޙައްދުގައި ހިނގާ އެކްސިޑެންޓުތައް މަދުކުރުމަށްޓަކާ، ދުއްވާ ފަރާތްތަކާއި މަގުމަތީ ހިނގާބިނގާވެ އުޅޭ ފަރާތްތަކުން މަގުމަތީގެ ޤަވާއިދުތަކަށް ސަމާލުވުމަށާއި، ދުވެލި މަޑުކުރުމަށް ފުލުހުން ދަނީ ނަސޭހަތްތެރިވަމުންނެވެ. އަދި މިކަންކަމަށް އާންމުން ހޭލުންތެރިކުރުމަށް ތަފާތު ހަރަކާތްތައް ދޭތެރެ ދޭތެރެއިން ދަނީ ހިންގަމުންނެވެ.