ރާއްޖެއާއި އިންޑިއާގެ ރައްޔިތުންގެ މަންފާއަށް ކުރާ މަސައްކަތް ކުރިއަށްގެންދާނަން: މޯދީ

ރާއްޖެއާއި އިންޑިއާ ދެ ގައުމުގެ ރައްޔިތުންގެ މަންފާއަށްޓަކައި އެކުގައި ކުރާ މަސައްކަތްތައް ކުރިއަށްގެންދާނެކަމަށް އިންޑިއާގެ ބޮޑުވަޒީރު ނަރެންދްރަ މޯދީ ވިދާޅުވެއްޖެއެވެ.

ނަރެންދްރަ މޯދީ މިފަދައިން ވިދާޅުވީ، އިންޑިޔާގެ ޖުމްހޫރީ ދުވަހާއި ގުޅިގެން ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ސޯޝަލް މީޑިއާގައި ހިއްސާކުރެއްވި ތަހުނިޔާގެ މެސެޖާ ގުޅިގެން ކުރެއްވި ޕޯސްޓެއްގައެވެ.

ބޮޑުވަޒީރު މޯދީގެ ޕޯސްޓުގައިވަނީ އިންޑިއާގެ 77 ވަނަ ޖުމްހޫރީ ދުވަހުގެ މުނާސަބަތުގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އަރިސްކުރެއްވި ތަޙުނިޔާއާއި ހެޔޮއެދުން އިޙްތިރާމާއިއެކު ބަލައިގަންނަކަމަށް ވިދާޅުވެފައެވެ. އަދި ދެ ގައުމުގެ މަންފާއަށްޓަކައި އެކުގައި ކުރާ މަސައްކަތްތައް ކުރިއަށްގެންދާނެކަމަށް މޮދީ ވިދާޅުވިއެވެ.

ބޮޑުވަޒީރު މޯދީގެ ޕޯސްޓު ނިންމަވާލެއްވީ، ދިވެހި ރައްޔިތުންނަށް އުފާފާގަތި ދުވަސްތަކަކަށް އެެދެމުންނެވެ.

ޝުކުރިއްޔާ، ރައީސް މުޢިއްޒު.
އިންޑިއާގެ 77 ވަނަ ޖުމްޙޫރީ ދުވަހުގެ މުނާސަބަތުގައި އަރިސަކުރެއްވި ހޫނު ތަޙުނިޔާއާއި ހެޔޮއެދުން އިޙްތިރާމާއިއެކު ބަލައިގަންނަން.

ދެ ޤައުމުގެ ރައްޔިތުންގެ މަންފާއަށްޓަކައި އެކުގައި މިކުރާ މަސައްކަތް ކުރިއަށްގެންދާނަން. އެންމެހާ ދިވެހި ރައްޔިތުންނަށް… https://t.co/Tzd0LhBHb6

— Narendra Modi (@narendramodi) January 27, 2026

އިންޑިޔާގެ ޖުމްހޫރީ ދުވަސް ފާހަގަކުރަނީ އެ ޤައުމުގެ ޤާނޫނު އަސާސީ އެކުލަވާލާ، ޢަމަލުކުރަން ފެށި ދުވަހާއި ގުޅުވައިގެންނެވެ. އެއީ 1950 ވަނަ އަހަރުގެ ޖެނުއަރީމަހުގެ 26 ވަނަ ދުވަހެވެ. އަދި އެ ދުވަހަކީ އިންޑިޔާގެ ފުރަތަމަ ރައީސް ޑޮކްޓަރ ރަޖެންދްރާ ޕްރަސާދް، ރައީސްކަމުގެ ހުވާކުރެއްވި ދުވަހެވެ.