އައު ޓާމިނަލްގެ ސީޕްލޭން ކައުންޓަރުތަކަށް އޮޕަރޭޓަރުން އަހުލުވެރިކުރުމުގެ މަސައްކަތް ފަށައިފި

ވެލާނާ އިންޓަރނޭޝަނަލް އެއަރޕޯޓު، ވީއައިއޭ އައު ޓާމިނަލްގެ ސީޕްލޭން ކައުންޓަރުތަކަށް އޮޕަރޭޓަރުން އަހުލުވެރިކުރުމުގެ މަސައްކަތް ފަށައިފިއެވެ.

މި މަސައްކަތް ފަށާފައިވަނީ، ވީއައިއޭގެ އައު ޓާމިނަލްގެ ސީޕްލޭން ޗެކިން ކައުންޓަރުތަކުން ޚިދުމަތްދޭން ފެށުމަށް ތައްޔާރުވުމުގެ ގޮތުންނެވެ.

މޯލްޑިވްސް އެއަރޕޯޓްސް ކޮމްޕެނީ ލިމިޓެޑ، އެމްއޭސީއެލްއިން ސޯޝަލް މީޑިއާގައި ހިއްސާކުރި ޕޯސްްޓެއްގައި ވިދާޅުވީ، އައު އައު ޓާމިނަލްގެ ސީޕްލޭން ޗެކިން ކައުންޓަރުތަކުން ޚިދުމަތްދޭން ފެށުމަށް، ދެ އެއަރލައިނެއްގެ އޮޕަރޭޓަރުން އަހުލުވެރިކުރުމަށް ޓްރަޔަލްއެއް ކުރިއަށްގެންގޮސްފައިވާކަމަށެވެ.

އެގޮތުން ގައުމީ އެއަރލައިން މޯލްޑިވިއަންއާއި ފްލައިމީގެ އޮޕަރޭޓަރުން މި މަސައްކަތުގައި ބައިވެރިވެފައިވާކަމަށް އެމްއޭސީއެލްއިން ވިދާޅުވެއެވެ.

An operational trial was conducted at the Terminal 1 Seaplane Concourse to evaluate and validate end-to-end passenger handling and operational workflows. The trial was conducted with Maldivian and Flyme seaplane services to familiarize them with the operational flow. pic.twitter.com/lr1OCqKcdc

— Maldives Airports Company Ltd (@MACLmedia) December 17, 2025

ދުނިޔޭގެ އެންމެ ބޮޑު ސީޕްލޭން އޮޕަރޭޝަން އޮތީ ރާއްޖޭގައިކަމަށްވާއިރު، އައު ޓަރމިނަލުގައި ސީޕްލޭންއަށް ޚާއްސަ 24 ޗެކިން ކައުންޓަރ ޤާއިމް ކުރެވިފައިވެއެވެ.

ވީއައިއޭގެ އައު ޓާމިނަލުން 33 އެއަރލައިނަކަށް މިހާރުވެސް އަންނަނީ ޚިދުމަތްދެމުންނެވެ.

ވީއައިއޭގެ އައު އިންޓަރނޭޝަނަލް ޓަރމިނަލް ހުޅުވާފައިވަނީ މިއަހަރުގެ ޖުލައި މަހުގެ 26 ވަނަ ދުވަހުއެވެ. އައު ޓަރމިނަލަކީ ޒަމާނީ ގިނަ ޚިދުމަތްތަކާއެކު ތަރައްޤީކުރެވިފައިވާ ޓަރމިނަލެކެވެ. އެގޮތުން މި ޓަރމިލަނުގައި ޑިޕާޗަރ ހޯލުގައި 47 ޗެކިން ކައުންޓަރު ހުރެއެވެ. އަދި އަމިއްލައަށް ޗެކިން ކުރެވޭ 6 ސެލްފް ސާވިސް ޗެކިން ކިއޮސްކް ވަނީ ބަހައްޓާފައެވެ. މިއީ އައު ޓަރމިނަލާއެކު މުޅިން އަލަށް ރާއްޖެއަށް ތަޢާރަފްކުރެވޭ ޚިދުމަތެކެވެ.