ޚަބަރު

ހުޅުމާލެ ގެސްޓް ހައުސްއެއްގެ ތެރެއިން މަރުވެފައި އޮތް މީހަކު ފެނިއްޖެ


  • ފުލުހުން ދަނީ، މިސަރަހައްދުގައި ހަރަކާތްތެރިވަމުން

  • މަރުވެފައި އޮތްވާ ފެނުނީ، ދިވެހި ފިރިހެނެއް

ހުޅުމާލެ ފުރަތަމަ ފިޔަވަހީގައި ހުންނަ ގެސްޓް ހައުސްއެއްގެ ތެރެއިން މަރުވެފައި އޮތް މީހަކު ފެނިއްޖެއެވެ.

ދިވެހި ފުލުހުންގެ ޚިދުމަތުން ވިދާޅުވީ، ހުޅުމާލޭގެ ފުރަތަމަ ފިޔަވަހީގައި ހުންނަ ގެސްޓް ހައުސްއެއްގެ ތެރެއިން މަރުވެފައި އޮތް މީހަކު ފެނިގެން މިއަދު މެންދުރު 12:14 އެހާކަންހާއިރު ރިޕޯޓު ކޮށްފައިވާ ކަމަށެވެ. އަދި ފުލުހުން މިހާރު އެސަރަހައްދުގައި ހަރަކާތްތެރިވަމުންދާ ކަމަށެވެ.

ފުލުހުން ވިދާޅުވީ، މަރުވެފައި އޮތްވާ ފެނުނީ ދިވެހި ފިރިހެނެއް ކަމަށެވެ. އަދި މިކަމާއި ގުޅިގެން ބަލަންޖެހޭ ކަންކަން ބަލަމުންދާނެ ކަމަށްވެސް ފުލުހުން ވިދާޅުވިއެވެ.

މިދިޔަ މަހުގެ ތެރޭގައި އައްޑޫ ސިޓީ ހިތަދޫގެ ގެއެއްގެ ތެރޭގައިވެސް ދެމަފިރިއަކު މަރުވެފައި އޮއްވާ ވަނީ ފެނިފައެވެ.