މޯލްޑިވިއަންއިން ކައްދޫ-މުލި ދަތުރުތައް ފަށަނީ

ލ.ކައްދޫއާއި މ.މުއްޔާދެމެދު ވައިގެ ދަތުރުތައް ފެށުމަށް މޯލްޑިވިއަންއިން ނިންމައިފިއެވެ.

މި ދަތުރުތައް ފެށުމަށް ނިންމާފައިވަނި އަންނަ ހޮނިހިރު ދުވަހުން ފެށިގެންނެވެ.

މޯލްޑިވިއަންއިން ވިދާޅުވީ ކައްދޫއާއި މުއްޔާދެމެދު ވައިގެ ދަތުރުތައް ފެށުމަށް ނިންމާފައިވަނީ އެ ރޫޓުގައި އެކަށީގެންވާ ޑިމާންޑެއް އޮތުމުންކަމަށެވެ. ހޮނިހިރު ދުވަހުން ފެށިގެން ދަތުރުތައް ފެށުމަށް ނިންމާފައިވާއިރު ހަފްތާއަކު އެއްދުވަހު ދަތުރުކުރާނެކަމަށް މޯލްޑިވިއަންއިން ވިދާޅުވެއެވެ. މޯލްޑިވިއަނުން މިހާރު ވަނީ ކައްދޫއާއި މުއްޔާދެމެދު ދަތުރުކުރަން ބޭނުންވާ ފަރާތްތަކަށް ޓިކެޓް ބުކްކުރުމުގެ ފުރުޞަތު ހުޅުވާލާފައެވެ. ކައްދޫއާއި މުއްޔާދެމެދު މޯލްޑިވިއަނުން ކުރާ ދަތުރުތަކުގެ އެއްކޮޅު ޓިކެޓްގެ އަގަކީ 999 ރުފިޔާއެވެ.

New Domestic Route Alert!

Maldivian launches a direct flight between Meemu Muli (MUM) and Laamu Kadhdhoo (KDO) starting 12th July 2025! 🌴

Now, you can travel between these atolls in just 30 minutes. ✈️

Fares start at MVR 999 one-way.

For bookings, visit… pic.twitter.com/WVXMRa7kg5

— MaldivianAero (@MaldivianAero) July 10, 2025

މުލީ އެއަރޕޯޓް ރަސްމީކޮށް ހުޅުވާފައިވަނީ، މޭ މަހުގެ 20ވަނަ ދުވަހުއެވެ. އަދި މޯލްޑިވިއަނުން މުލީ އެއަޕޯޓަށް ޝެޑިއުލް ދަތުރުތައް ފަށާފައިވަނީ މިދިޔަ މެއި މަހުގެ 24 ވަނަ ދުވަހުއެވެ.