ޚަބަރު
ހުޅުމާލޭގައި މިރޭ ހަވާ އަރުވަނީ
-
ހަވާ އަރުވާނީ މިރޭ 21:45ގައި
-
ފޭސް 2ގެ ފަރުކޮޅުފުށީގައި
-
މިއީ އަމިއްލަ ފަރާތެއްގެ އިވެންޓަކަށް އަރުވާ ހަވާއެއް
މާފުށީގައި މީގެކުރިން ބޭއްވި ހަވާ އެރުވުމުގެ ހަރަކާތެއްގެ ތެރެއިން
ހުޅުމާލެ ފޭސް 2ގެ ފަރުކޮޅުފުށި ސަރަޙައްދުގައި މިރޭ ހަވާ އެރުވުމަށް ހަމަޖެހިފަވާކަމަށް ޤައުމީ ދިފާޢީ ބާރުން ވިދާޅުވެއްޖެއެވެ. އެމްއެންޑީއެފްއިން ވިދާޅުވީ ހަވާ އެރުވުމަށް ހަމަޖެހިފަވަނީ ފަރުކޮޅުފުށީގައި މިރޭ 21:45 ގައެވެ.
މިއީ ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ) އިން ކުރިއަށްގެންދާ ހަރަކާތެއްކަމަށްވެސް އެ އިދާރާއިން ވިދާޅުވެއެވެ. ހަވާ އެރުވުން ކުރިއަށްދާނީ 3 މިނެޓަށެވެ.
ޚާއްސަ ހަރަކާތްތަކާ ގުޅިގެން ސިފްކޯއިން ދަނީ ވިޔަފާރި އުސޫލުން ހަވާ އެރުވުމުގެ ހަރަކާތްތައް ބާއްވަމުންނެވެ.